• Նորություններ
• Հղումներ
• Գործընկերներ
• Կայքի քարտեզ

ԼԼՈՅԴ ՋՈՐՋ (Lloyd George) Դեյվիդ (1868-1945 թթ.), անգլիական պետական գործիչ: Լիբերալ կուսակցության ղեկավար: 1905-08-ին՝ առևտրի, 1908-15-ին՝ ֆինանսների նախարար, 1916-22-ին՝ պրեմիեր մինիստր: 1919-20-ի Փարիզի հաշտության կոնֆերանսի և Վերսալյան պայմանագրերի գլխավոր հեղինակներից: 1919-22-ին պաշտպանել է անգլո-հունական պատերազմը թուրքական ազգայնական շարժման դեմ, սակայն, անհաջողություն կրելով, պաշտոնաթող է եղել:

1917-22-ին Լլոյդ Ջորջը իր հրապարակային ելույթներում և միջազգային կոնֆերանսներում (Փարիզ, Լոնդոն, Սան Ռեմո) հանդես է եկել հօգուտ Հայկական հարցի դրական լուծման՝ դատապարտելով Մեծ Բրիտանիայի ավանդական թուրքամետ քաղաքականությունը [«Բրիտանական կառավարության քաղաքականությունը ճակատագրական անխուսափելիությամբ հանգեցրեց 1895-97 թթ. և 1909 թվականների սոսկալի սպանդին և 1915 թվականի զարհուրելի կոտորածին» (Ллойд Джордж, Правда о мирных договорах, т. 2, с. 390)]: Անտանտի երկրներին հորդորել է կատարել իրենց խոստումները «վտքրիկ դաշնակցի» հանդեպ՝ ապահովելով նրա անկախությունը: Բայց, լինելով իրապաշտ քաղաքագետ, հետպատերազմյան խաղաղության հարցերում գործարքի մեջ է մտել քեմալական Թուրքիայի հետ՝ Հայկական հարցը զոհաբերել Բրիտանական կայսրության շահերին:

Ջ. Թորոսյան

Գրականության ցանկ

«Հայկական հարց» հանրագիտարան, Երևան,1996թ.: